Ársskýrsla ShihTzu deildar HRFI fyrir starfsárið 2013-2014
Ársfundur deildarinnar var haldinn í mars 2013. Það mættu 15 félagsmenn á fundinn. Sæti þeirra Soffíu Kwaszenko og Súsönnu Antonsdóttur voru laus í stjórn, þær gáfu báðar kost á sér aftur engin mótframboð bárust. Stjórnin var því eins áfram: Soffía Kwaszenko, Súsanna Antonsdóttir, Helga Þórðardóttir, Stella Sif Gísladóttir og Jónína Elísabetardóttir. Jónína býr erlendis en hefur fundað með okkur á Skype. Þær Lilja Sveinsdóttir og Shirley Anna Felton gáfu kost á sér í viðburðarnefnd deildarinnar.
Stjórnin fundaði 6 sinnum á starfsárinu. Fundargerðir má sjá inn á heimasíðu deildarinnar.
Frábær árangur náðist á sýningum ársins 2 hundar þau Santosha Angeldust og Perluskins Everyones Fantasy urðu Alþjóðlegir meistarar og einnig náðu 2 hundar Íslenskum meistaratitli þau Ta Maria Wot a Bee og Paradise Passion Chris Rene.
Innfluttir hundar á árinu voru 3 þau Ta Maria Boombastic Beat, Santosha Dark Angel og Gin Gin Von Savaredo. Það fjölgaði verulega í hópnum 15 rakkar og 8 tíkur fæddust á árinu.
Viðburðarnefnd deildarinna stóð fyrir jólaskemmtun sem haldin var á Korputorgi. Skemmtunin tókst í alla staði vel og var mjög gaman að sjá nýja félagsmenn sem gamla.
Við viljum minna alla á að Lorna er á leiðinni til landsins á vegum HRFI og verður augnskoðun í Reykjavík 7-8 júní skráning er hjá HRFI og síðasti skráningardagur er 23. maí. Það er mjög áríðandi fyrir okkur að nýta okkur þetta tækifæri og fara með alla okkar hunda í augnskoðun hvort sem þeir eru ræktunardýr eða ekki. Við hvetjum því alla til að skrá og vonum að allir sjái sér fær að mæta.
Stjórnin þakkar kærlega fyrir samstarfið við félagsmenn deildarinnar sem og aðra á liðnu starfsári og óskar nýrri stjórn velfarnaðar á komandi starfsári.
Stjórnin
sa |
Klóaklipping
